بابكر سلك

في السلك.. لأجل غير مسمى ليه!

*أمس الأول كان مفروض لجنة الانضباط تطلع قرارها في موضوع سوداكال
*ما تابعت القصة
*لأنو كثرة التأجيل أبلغ دليل
*دليل على شنو؟
*أنا ما بفسر
*وعارفك ما بتقصر
*المهم
*وأنا سايق جا إلى جواري شفت مريخي سايق عربية زي الليل
*نزل القزاز وسلم علي
*رديت التحية
*وسألتو
*تابعت موضوع سوداكال؟
*أومأ برأسه إيجابا
*قلت ليهو الحصل شنو؟
*قال لي لأجل غير مسمى
*قلت ليهو هو شنو الغير مسمى ؟
*قال لي ما عارف حا يقعد لأجل غير مسمى ولا القرار إتأجل لأجل غير مسمى
*والأستوب فتح والناس فحطت
*وبقيت أهمهم
*لأجل غير مسمى ليه!
*المهم
*منتخبنا في المغرب
*وما أدراك ما المغرب
*ولكن من حقنا أن نحلم
*وأن نتمنى
*وأن نعمل للنصر
*وأن ننتصر
*وما تنسوا
*منتخب الكنداكات حا يقابل عصفورات لبنان
*وما أدراك ما لبنان
*لبنان
*لبنان ياخ
*نسأل ربنا يرفع عن ناس لبنان البلاء والغلاء وقيمة الليرة مقابل الدولار
*وأن يوفر لهم الوقود والكهربا
*ناس لبنان ديل ما بتحملوا السخانة
*نحن ملحوقين
*بنصبر
*لكن منتخب لبنان أقصد ناس لبنان ما بستحملوا
*اللهم مكنا من بنات لبنان
*منتخبنا يغلبن كده غلب العديل والزين
*وسودانا فوق
*لكن لأجل غير مسمى ليه!
*المهم
*لاقاكم موسم كروي أكل كورونتين وخريف غير بتاعنا ده؟
*ولسه في مباريات
*وشكاوى
*لكن شكاوى وتخلف ليه؟؟؟
*صعب يعني على الاتحاد يعمل آلية تواصل مع أنديته يبلغهم بمواقف إنذارات لاعبيهم
*وده كلو ينزل في موقع مشترك لكل الأندية ؟؟؟؟
*تاني بكون في شكوى؟
*وحتى لو في، الفصل فيها تفتكروا بياخد أكتر من تلات دقائق؟؟؟
*نحن لسه بعيدين
*لكن دايرين نغلب المغرب
*ودايرين نلعب كأس العالم
*وبعد داك نجي نشوف طريقة نطور بيها حال إدارة الرياضة عندنا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كمان جابت ليها قطع من عشرة ليلا للصباح يا والينا
*قاصدين شنو ورينا؟

سلك كهربا

ننساك كيف والكلب قال قطع نور وضبح باعوض وسلخ ضبان
وإلى لقاء

عن admin

شاهد أيضاً

من سلطنة عمان سلام ****الإعلام رسالة  سامية والقلم أمانة.

  * يعتبر الإعلام بجميع أشكاله وسيلة فعالة لنشر الخبر ولفت الأنظار لحدث (ما) ،،، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *