بابكر سلك

في السلك يوم أربعة واحدة أربعة

*تقول الأنباء إن يوم أربعة تسعة هو يوم الجمعية الإنتخابية لنادي المريخ
*طبعا جمعيتين
*في نفس اليوم
*واحدة بالموردة
*والتانية بالإستاد حسبما سمعت
*طبعا يستحيل الجمعيتين يكونن صاح
*أكيد واحدة صاح وواحدة ما صاح
*أكيد واحدة مجضماها
*والتانية أربعة
*كيشه ساي
*لكن يوم أربعة البوري الجمعية الأربعة سيكون يوما مشهودا في تاريخ المريخ
*لأنو حا ينهي جدل منو الصاح ومنو المفتكر نفسو صاح
*وحا يخلي المريخاب يضعوا سلاح الشتات ويعملوا لأجل مريخهم مع الجمعية الصاح
*سنين والمريخاب يضيعون مجهوداتهم في الخلاف والاختلاف وإدارة المعارك
*ما أدوا مريخهم شي من مجهوداتهم المقدرة
*طبعا المقلب الكبير إذا طلعن الجمعيتين أربعة
*ولكنه المستحيل بعينه
*الله يحضرنا يوم أربعة عشان نعرف الجمعية الصاح من الجمعية الأربعة
*ووقتها حا نسمع كتير في مجتمع المريخ قولة يا أربعة
*المهم
*يقولون إن دكتور برقو في احتفالية تكريم حازم لنجوم المنتخب
*مدح حازم وقال عيب حازم الوحيد إنو مريخابي
*إذا صح الكلام
*يبقى واحد من اتنين
*إما السيد مسؤول المنتخبات لا يعرف قيمة القومية
*وما عارف إنو شعار المنتخب نحن بنلعب للسودان
*لا لجماعة ولا لكيان
*وإما يكون حاول يخفف دمو عماها
*وفي الحالتين الكلام شين لا يرقى لمرتبة قيادة منتخب يمثل دولة تسعى جاهدة للم الشمل في كل مناحيها وتكجن العنصرة
*فعندما تتعامل مع المنصب القومي بلونك الخاص
*دي تبقى العنصرة بعينها
*إن حدث ذلك برقو مطالب باعتذار كبير للاعبي المريخ بالمنتخب قبل الإعتذار لكيان ولجماهير المريخ
*وإذا ما صح الكلام
*يعني إذا برقو نكرو حطب وقال ما قلت
*تبقى الحرب على الرجل قد دخلت مرحلة الما بدورك في الضلام يحدر ليك
*هنا على الذين صدقوا الكلام وعلقوا عليه اعتذار واجب لبرقو
*والمهم في الموضوع السودان يحصل على نتيجة إيجابية أمام أسود الأطلسي
*المهم
*لا ننظر للجزء الفارغ من الكوب
*فالجزء الفارغ تظهر به دستة أهداف أخواتنا في الله التونسيات في شباك أخواتنا في الرقم الوطني
*ولكن ننظر للجزء المليان من الكوب
*والذي يظهر فيه هدفنا النبيل الجميل والوحيد في البطولة حتى الآن
*بالرغم من أن من شاهد مباراة حدياتنا أمام زيتونات تونس
*كان تعليقهم أن أداء الحديات فيه تطور كبير عن مباراتهن أمام حفيدات كيليوباترا
*ومسؤول يصرح
*بأن المشاركة ليست لاجل الظفر باللقب
*ولكنها لأجل التأريخ
*فالتاريخ يسجل مشاركة كنداكاتنا
*ولا يهتم بالنتائج
*وأنا أسأل
*الشرتيت كيف؟
*ألم يكن دعم الفيفا الخرافي للمشاركة واحد من الأهداف التاريخية يا هذا؟؟؟
*ولا برضو التاريخ ما بسجل قبضنا دعم كم؟؟؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا
*برغم الفينا
*المدارس مصرين تفتحوها لينا؟؟؟؟؟

سلك كهربا

ننساك كيف والكلب قال يوم أربعة ما أروعه، فيهو واحدة أربعة.
والى لقاء

عن admin

شاهد أيضاً

من سلطنة عمان سلام ****الإعلام رسالة  سامية والقلم أمانة.

  * يعتبر الإعلام بجميع أشكاله وسيلة فعالة لنشر الخبر ولفت الأنظار لحدث (ما) ،،، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *