بابكر سلك

في السلك..  سن القوانين وسن السكاكين

*سن القوانين أو اللوائح لما يبقى تفصيل بالمقاس للتمتع بسلطة أو للخروج من مأذق

*يبقي سن سكاكين لذبح ديمقراطية كنا ننشدها

*ويقال أن مولانا الليلي قد استقال لهيك أسباب

*إذا صحت الاستقالة

*وصحت هيك أسباب

*يبقى سيادة القانون لو انضبحت

*أهلية وديمقراطية الحركة الرياضية تبل رأسها

*وامتنع عن التصويت

*المهم

*حال مجلس المريخ بشقيه

*يذكرني أيام كنا طلاب بجامعة القاهرة فرع الخرطوم

*الحنينة السكرة

*وقتها كان هناك جدل استمر لما اتخرجنا

*هوية الجامعة

*هل هي سودانية أم مصرية

*وتقام علي ذلك الجدل أركان النقاش

*ويطلع السيخ

*السيخ كانوا بقروا معانا

*وكانوا بجيبوا السيخ يدسوه في الجامعة

*جدل كان كبيرا

*وسؤالا حائرا

*شخصيا ما كنت شغال كتير بالحتة دي

*لأني قلت لي نفسي

*جامعة إسمها القاهرة وأستاذها مصري وكتابها مصري ومقررها مصري وخفيرها مصري وفراشها مصري وسجايرها كيلوباترا

*تبقي سودانية كيف بس؟!

*الآن مجلس المريخ حائر بين الواقع والأمنيات

*فهل تصبح الأمنيات واقعا برغم السجاير كيلوباترا؟؟؟؟؟

*أيها الناس

*تتذكروا لما الفيفا جمدتنا؟؟؟

*تتذكروا جمدتنا ليه؟؟؟؟؟

*اذكركم

*مش النائب العام وقتها طلع أمر للشرطة عشان تخلي مقر الاتحاد السوداني من المجلس القاعد وتسلمو للمجلس الجديد؟؟؟

*طيب كيف نمشي نحن للنائب العام عشان يطلع أمر بإخلاء الإستاد والنادي من آدم وربعه وتسليمه لأسد وربعه؟؟؟؟

*يعني إصرار على التجميد أم نسينا الماضي الجمدنا؟؟؟؟

*قانون كهيه بالكل نهي

*تم انتخابات باجا

*فالديمقراطية نار ونور

*دعونا نصلى بنارها لنستمتع بعد ذلك بنورها

*وإن شاء الله يوم نورها برمجة القطع ما تكون علينا

*أيها الناس

*درب القانون هو أقصر دروب الوصول مهما كان

*وإن كانت لسوداكال حججه

*فالقانون حجة على الكافة

*كل محاولات إبعاد الرجل لم تكلل بالنجاح

*لأنها وإن سلك بعضها درب القانون

*إلا أنها كانت تحيد عن التراك

*لذلك لم تصل لنقطة النهاية

*وإذا عجز القانون عن إرساء عملية التداول السلمي للسلطة بالمريخ

*يبقى نشوف ناس لاهاي ديل

*ونقول ليهم كشفكم ده لو فيهو فرقة

*ضيفوا آدم عبدالله سوداكال

*واكتبوا جمبو بين قوسين(كوشيب تو)

*أيها الناس

*نسأل الله أن ينير الدرب ويرسي الديمقراطية بالمريخ في تداول سلمي للسلطة تحت مظلة أهلية وديمقراطية الحركة الرياضية

*أيها الناس

*إن تنصروا الله ينصركم

*أها

*نجي لي شمارات والي الخرتوم

*تعرف يا والينا

*زمان أهلنا قالوا لينا

*شبّعو حتى تطبّعو يا أخينا

*يبقى الجوع هو السبب الأساسي للسرقة المنتشرة فينا

*معقولة الزول سايق عربيتو بيد وماسك الموبايل بيد وقاعد في الشنطة وعافص الجزلان؟؟؟؟

سلك كهربا

ننساك كيف والكلب قال واحد سايق عربيتو سرقو بطاريتو لما وصل لقاها مافي…. شدة الحرامي السرق التلفزيون والناس بتتفرج على المسلسل والمسلس شغااااال

وإلى لقاء

عن admin

شاهد أيضاً

من سلطنة عمان سلام ****الإعلام رسالة  سامية والقلم أمانة.

  * يعتبر الإعلام بجميع أشكاله وسيلة فعالة لنشر الخبر ولفت الأنظار لحدث (ما) ،،، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *