بابكر سلك

في السلك .. شكوى جنح الليل

*الشكوى للنيابة الناس بتعرفها حتى ولو كان الشاكي خشمو ما خفيف وقطم بيها

*الشكوى من الأسعار ما دايره ليها دس

*الشكوى من قطوعات الكهربا عمت القرى والحضر

*شكوى المرة من راجلها جاراتها بعرفنها

*كل الشكاوى الناس بتعرفها

*ولو كانت شكوى بمظروف سري للسيد رئيس الوزراء

*الشكوى الوحيدة الما بعرفوها الناس

*شكوى العبد لله سبحانه وتعالى في جنح الليل

*أها

*زول سمع بشكوى الهلال لتوتي مافي

*بس سمعنا بنتيجتها

*أظنها كانت شكوى في جنح الليل

*الشكوى لطوب الأرض الناس بتعرفها

*لكن شكوى الهلال كانت سكتم بكتم

*أظنها كانت على طريقة اقضوا حوائجكم بالكتمان

*كتومي يا عمك

*المهم إن الحوائج انقضت بالكتمان

*كلو منك يا تيري

*ده حالتو تيري في مصر

*لو كان هنا اظنهم كانوا حكموا على توتي بالإعدام

*وطلعوا توتي خسران اتنين صفر

*يا ربي ما يكون القونين سجلوهم في رصيد الغربال؟

*جائز

*الموت ذاتو جائز

*المهم

*قول يوم كورة الإكسبريس غرزة قعد في الكنبة

*هل من حق الكاف منعه؟؟؟

*قول المريخ ده في كلو كورة أفريقية جاب مدرب

*الكاف عندو دخل؟؟؟؟

*في حاجات كده ما عارف ليه يعني

*المهم

*خسارتنا لهذا الدوري إن حدثت

*أسبابها هي التفريط في نقاط ساهلة جداً

*وإدخال الصراع الإداري في الملعب

*مافي نقطة خسرناها كان مفروض نخسرها

*حتى انتصارنا على الزبون بهدفين في الدورة الأولى

*كان شويه بواقع الفرص التي أهدرها رماتنا

*وضربات الجزاء التي صهين عنها الحكم في ذلك اللقاء

*أسد علي

*أقصد

*علي أسد

*رأيو شنو في شكوى المريخ المرفوضة شكلاً وموضوعاً؟؟؟

*غايتو جنس غايتو

*غايتو ما عارف العلاقة بين تلك الشكوى وتسعة طويلة

*المهم

*بالأمس كانت تجربة منتخبنا بالإمارات

*طبعا النتيجة لا تهم الجهاز الفني

*بقدر ما يهمه الانضباط التكتيكي والأداء وفقا للموجهات

*عشان كده حقو ما نبطر بنصر فيها

*ولا نكفر بخسارة

*والخسارة في مثل هيك مباريات ليست بالمحزنة.

*أكيد الجهاز الفني وقف على الحتات البتحتاج مراجعة

*وحقو الجهاز الفني يشتغل ليلا زي شكوي الهلال لتوتي

*لكن توتي بالغت

*أيها الناس

*إن تنصروا الله ينصركم

*أها

*نجي لي شمارات والي الخرتوم

*قالوا لينا يا والينا

*في كابول بعد انقلاب طالبانا لينا

*عمت الفوضى وتسعة طويلة الأفغانية دورت فينا

*قال ليك ابّان دقون ديل علقوا تسعتين طويلات في كيبولات بكابول يا والينا

*بالله قال ليك من اليوم داك تلفونك يقع زول يدنقر عليهو مافي

سلك كهربا

ننساك كيف والكلب قال بتسعة طويلة دي ما تستغرب لو الشعب طالب بطالبان تااااااني

وإلى لقاء.

عن admin

شاهد أيضاً

من سلطنة عمان سلام ****الإعلام رسالة  سامية والقلم أمانة.

  * يعتبر الإعلام بجميع أشكاله وسيلة فعالة لنشر الخبر ولفت الأنظار لحدث (ما) ،،، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *