بابكر سلك

في السلك.. بابكر سلك يكتب: بيت البكا

*في بيت البكا لازم تبكي

*أمال جيت لي شنو؟!

*حتى لو ما شفت المرحوم برضو تبكي

*وتتنهف

*وفييييييط

*أها

*أكبر بيت بكا كان في كتالونيا

*ميسي يبكي

*البرشلوناب يبكوا

*البرشلونابيات يبكن

*حتى البراشنة في السودان فرشوا

*ورسلوا بكاهم بالميديا

*ولابورتا ولا كأنو هنا

*قاعد بعيد ومشغل اوديو لوردي وبدندن  معاهو

بعد إيه

*دموعك ما بتفيدك

*اعتذارك مابيفيدك

*العملتو كان بإييدك

*مع تحيات تسجيلات الغالي متروك

*المهم

*برشلوناب كاتلونيا رفعوا الفراش

*إلا برشلوناب البلد دي لسه فارشين

*هو جنس بكا

*وجنس وصف

*وقالوا فراشهم ما مرفوع ما مرفوع

*شفتوا؟

*شفتوا الفريق لما يعتمد على زول واحد إيه بحصل؟

*ما تستبعدوا برشلونة الموسم القادم يلعب سنتر ليق الهبوط

*وما تستبعدوا لو لقيتوا برشلوناب البلد دي متابعين للدوري الفرنسي

*وما تستغربوا لو تعرض لابورتا للاغتيال

*وما تستعجبوا لو طلع كل البكا ده مافي ليهو داعي لوصول برشلونة لنهائيات أوروبا بأولادو الصغار المغمورين

*في درس للعالم يقوم علي الإعتماد على المواهب الشابة وعدم رهن النادي لفرد سواء كان لاعباً أو إدارياً

*في برشلونة في شعار بقول

*النادي فوق الجميع

*المهم

*لن نعود للملعب المحبط المخجل المعطون

*ولكن نعود للوعد بتاع يوم التلات

*الليلة الأربع يا ضنين الوعد

*والعنتريات لن تحل إشكالية عجزت أمامها الأجهزة العدلية

*لذا

*نوصي الناس بالتعمق في لجج العدالة

*يمكن أن يجدوا الضالة

*فالعدالة بحر يطاوع من يدرك لججه ويجيد الإبحار والسباحة

*ولو دخلت بحر العدالة معتمداً على مركبك فقط

*لن ينفعك ذلك ولن يكفيك حال قيام كتاحة

*كتاحات البحر صعبة

*الكديس مش قال للفار في وسط البحر مكتحني ليه؟؟؟

*نفس العبارة دي

*قالها حكمنا أول أمس

*لما احتسب ضربة جزاء لصالح هلال الشرق في مباراة بحر المريخ

*لما التاج قال ليهو ماهبشتو

*الحكم قال ليهو كتحتو

*ساهل جداً إنك تصنع كتاحة ولو في خيالك وتتعامل بيها كواقع

*أيها الناس

*إن تنصروا الله ينصركم

*أها

*نجي لي شمارات والي الخرتوم

*ما شفت يا والينا

*الوساخة المتندلة فينا

*شلتوا مدير النفايات يا والينا

*ولسه الوساخة متندلة لينا

*يبقى العيب لا في المدير الفات لا في المديرة الجات علينا

*العيب فينا نحن يا والينا

سلك كهربا

ننساك كيف والكلب قال ناس ما بتستهلك نفايات من وين بس؟؟؟؟

وإلى لقاء.

عن admin

شاهد أيضاً

من سلطنة عمان سلام ****الإعلام رسالة  سامية والقلم أمانة.

  * يعتبر الإعلام بجميع أشكاله وسيلة فعالة لنشر الخبر ولفت الأنظار لحدث (ما) ،،، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *